Білім беру мекемелері мен кәсіпорындардың басшыларымен бірлесіп, кадрларды даярлау стратегиясын талқыладық

Бүгінде біз жаңа өндірістерді білікті мамандармен қамтамасыз ету мәселесіне тап болдық.Осы орайда білім беру мекемелері мен кәсіпорындардың басшыларымен бірлесіп, кадрларды даярлау стратегиясын талқыладық.

Еңбек нарығының ағымдағы қажеттіліктерін талдап, қажетті дайындық стратегиясын әзірлеу үшін жұмыс тобын құруды тапсырдым.

Жұмыс берушілердің сұраныстарын ескере отырып, колледждердегі мамандықтардың спектрін кеңейтуді жоспарлап отырмыз. Дайындықтың жаңа бағыттары металлургия, машина жасау, IT, құрылыс және басқа да салаларды қоса алғанда, тікелей кәсіпорындардың қажеттіліктеріне бағдарланатын болады.

Сондай-ақ, кадрларды даярлау бойынша кәсіпорындармен белсенді ынтымақтастық орнатып,  жұмыс жасаудамыз.  Компаниялармен жүргізілетін өзара серіктестік шаралары арқылы біз колледж түлектерін алғашқы жұмыс орындарымен қамтамасыз етеміз. Мамыр айының соңына дейін біз қажеттілікті анықтап, күзге дейін түлектерді жұмыспен қамтитын боламыз.

Кәсіптік бағдарлау бойынша үгіт-насихат жұмыстары тұрақты және жүйелі түрде өткізілетін болады.

• 15.05.2024
• 240