Теміртаудағы ҚарГРЭС-1 жаңа жылыту маусымына дайындығын тексердім

Өздеріңіз білетіндей, бұған дейін мұнда түрлі мәселелер орын алып жататын. Сондықтан жылыту маусымы аяқталғаннан кейін бірден жөндеу жұмыстары басталды. Жылыту станциясы Ескі қаланың 86 үйін жылумен қамтамасыз етеді. Бүгінде мұнда үш қазандық пен екі турбина жөнделуде. Мен жөндеушілерге нақты жұмыс жоспарын ұсынуды және жылу маусымы басталғанға дейін жөндеу жұмыстарын аяқтауды тапсырдым. Екі аптадан кейін станцияға қайта баруды жоспарлап отырмын.

Сондай-ақ, Теміртау жоғары политехникалық колледжіне бардым, мұнда 1200 адам оқиды. Бұл болашақ жылу техниктері, электромеханиктер, құрылысшылар және басқа мамандық иелері. Колледж заманауи жабдықтармен жабдықталған және 30 әлеуметтік серіктестермен жұмыс жасайды. Қазір 520 студент Qarmet зауытында тәжірибеден өтуде. Колледждің 100 студентке арналған жатақханасы да бар. Мұнда болашақ құрылысшы студенттер өз дағдыларын дамытып, жатақхананың кейбір бөлмелерін жөндеумен айналысады.

Айтпақшы, жұмысшы мамандықтары түлектерінің болашағы туралы. Мысалы, «Оқжетпес-Т» коммуналдық қызметінің жас мамандарына 6% жеңілдетілген ипотека беріледі. Биыл жастар бағдарламасы бойынша 15 жұмысшы осындай шарттармен  баспана алатын болады.

Колледждің осындай табысты тәжірибесін аймақтың басқа да оқу орындарына таратуды ұсындым.

• 15.05.2024
• 209