Маңғыстауда ақын Сұлтанбек Құдайбергеннің шығармашылық кеші өтті

15 мамырда Абай атындағы мәдениет үйінде ақын, өлкетанушы, «Ерен еңбегі үшін» медалінің иегері Сұлтанбек Құдайбергеннің шығармашылық кеші өтті. Шығармашылық кеште ақынның өлеңдері оқылып, сөзіне жазылған әндер шырқалды. Бұл шараға Маңғыстау облысының әкімі Нұрлан Ноғаев, Маңғыстау облысы мәслихатының төрағасы Жаңбырбай Матаев, сонымен қатар шығармашылық зиялы қауым өкілдері қатысты. Бұл туралы Маңғыстау облысы әкімдігінің баспасөз қызметі хабарлады.

Ақынның шығармашылық кеші «Сырылы бар жүрекке сыр қамадым...» деген тақырыппен өтті.

Шараға Маңғыстау облысының әкімі Нұрлан Ноғаев қатысып, кештің арнайы қонақтары шығармашылық зиялы қауым өкілдері Болат Жетекбай, Бақытгүл Бабаш, Әлия Дәулетбаева болды. Шығармашылық шарада ақынның өлеңдері оқылып, сөзіне жазылған әндер шырқалды.

• Сіз өлкеміздің тарихын, өнері мен мәдениетін зерделеу арқылы өткен мен бүгіннің арасына көпір салдыңыз. Осының барлығы – сіздің тынымсыз еңбегіңіздің жемісі. Еңбектеріңіз қазірдің өзінде өскелең ұрпаққа жол сілтеп отыр. Жұмыстарыңызды жалғастырасыз деп үміттенемін. Жұмыстарыңызға табыс, зор денсаулық тілеймін, – деді Нұрлан Ноғаев Сұлтанбек Құдайбергенді құттықтап.

Сұлтанбек Құдайберген 1978 жылы Маңғыстау облысы, Қосбұлақ ауылында дүниеге келген. Ол – ақын, өлкетанушы.

Сұлтанбек Құдайберген «Бану-көктем» жыр жинағын, Маңғыстау өнер шеберлерінің «Баба сарын бабауы» антологиясын, А.Өтешевпен бірге «Маңғыстаудың дәстүрлі жыршылық орындаушылық үлгісін оқыту үлгісі» атты оқу-әдістемелік құралын жасауға еңбек еткен. 

Кеш соңында аймақ басшысы Нұрлан Ноғаев Сұлтанбек Құдайбергенді Қазақстан Республикасы Мәдениет және ақпарат министрлігінің «Мәдениет саласының үздігі» төс белгісін табыстады.

• 16.05.2024
• 177