Аумақтық білім саласында сапаны қамтамасыз ету департаменттеріндегі Педагогикалық әдеп жөніндегі кеңестің қызметі туралы

«Қазақстан Республикасының кейбір заңнамалық актілеріне білім беру, тәлімгерлік және балалардың қауіпсіздігі мәселелері бойынша өзгерістер мен толықтырулар енгізу туралы» Қазақстан Республикасының 2024 жылғы 23 ақпандағы № 64-VIII ҚРЗ заңына сәйкес Білім беру саласындағы уәкілетті орган ведомствосының аумақтық бөлімшелеріндегі педагогикалық әдеп жөніндегі кеңестің жұмысын ұйымдастырудың үлгілік қағидалары (бұдан әрі – Үлгілік қағидалар) өңделіп, бекітілді.

Үлгілік қағидаларға сәйкес Білім саласында сапаны қамтамасыз ету департаменттеріндегі (бұдан әрі - Департамент) педагогикалық әдеп жөніндегі кеңестің жұмысын ұйымдастырудың қағидалары бекітіліп, Департаменттегі педагогикалық әдеп жөніндегі кеңестің (бұдан әрі – Кеңес) құрамы қалыптастырылды.

Кеңес педагогтердің педагогтік әдепті сақтау мәселелерін қарайтын алқалы орган болып табылады.

Кеңестің шешімдері ұсынымдық сипатта болады.

Кеңес өз қызметін «Білім туралы», «Педагог мәртебесі туралы» Қазақстан Республикасының заңдарына, Педагогикалық әдеп қағидаларына, Білім беру саласындағы уәкілетті орган ведомствосының аумақтық бөлімшелеріндегі педагогикалық әдеп жөніндегі кеңестің жұмысын ұйымдастырудың үлгілік қағидаларына және өзге де нормативтік құқықтық актілерге сәйкес жүзеге асырады.

Кеңес өз қызметінде объективтілік, әділдік пен әдептілік қағидаттарын басшылыққа алады.

Кеңестің негізгі міндеттері:

1) педагогикалық әдептің бұзылу мониторингі, профилактикасы және оның алдын алу;

2) педагогтердің жауапкершілігі туралы мәселені дұрыс қарау үшін қажетті және жеткілікті мән-жайларды жан-жақты, толық және объективті зерттеу;

3) педагогикалық әдепті бұзуға ықпал ететін себептер мен жағдайларды қарау және олардың негізінде білім беру ұйымы мен білім беру бөлімінің басшысына ұсынымдар әзірлеу болып табылады.

• 24.05.2024
• 210