Қазақстанда жанар-жағармаймен қамтамасыз ету жақсарды, болашақта оны экспорттау мүмкіндігі бар- Энергетика министрлігінің басшысы

Қазақстан энергетика министрі Алмасадам Сәтқалиев Үкімет отырысында:

Ағымдағы жылдың 4 айының қорытындысы бойынша мұнай өңдеу көлемі 5,9 млн.тоннаны құрады және өткен жылдың сәйкес кезеңімен салыстырғанда 105,4%-ды көрсетті (5,6 млн. тонна).

Мұнай өнімдерін өндіру 4,28 млн.тоннаны немесе өткен жылдың сәйкес кезеңімен салыстырғанда 94% -ды құрады (4,55 млн. тонна).

Анықтама: мұнай өнімі-мазут өндірісінің төмендеуі - битум өндірісінің артуына байланысты.

Қазіргі таңда мұнай өнімдерін өндіру нарығындағы жағдай келесідей:

1) МӨЗ-дегі, мұнай базалары мен жолдарындағы дизель отынының көрсеткіші 612 мың тоннаны немесе 38 күндік, Аи-92 – 352 мың тоннаны немесе 30 күндік, Аи-95 – 86 мың тоннаны немесе 30 күндік жиынтық қорды құрайды. ЖЖМ қоры оның өндірілуіне және өңірлерден өтінімдердің түсуіне қарай толықтырылады.

2) мұнай өңдеу тереңдігі артты, яғни ашық түсті мұнай өнімдерін өндіру 85-тен 87%-ға дейін ұлғайтылды.

3) 5 мамырда Шымкент МӨЗ-де жоспарлы күрделі жөндеу аяқталды, зауыт штаттық режимде жұмыс істейді.

Осылайша, 2023 жылмен салыстырғанда ЖЖМ нарығындағы жағдай жақсарды.

Сондай-ақ өндірісті кеңейту арқылы мұнай өнімдерін өндіруді ұлғайту жоспарлары бар:

- Ақтау битум зауыты 1-ден 1,5 млн. тоннаға дейін (2025 ж.)

- Шымкент МӨЗ 6-дан 12 млн. тоннаға дейін (2030 ж.);

- Атырау МӨЗ 5,5-тен 6,7 млн. тоннаға дейін (2027 ж.);

- Павлодар МХЗ 5,5-тен 8 млн.тоннаға дейін (2030 ж.).

Осы жобаларды іске асыру ішкі нарықтың ЖЖМ-ға өсіп келе жатқан қажеттілігін 100% - ға қамтамасыз етуге, сондай-ақ мұнай өнімдерін көрші елдерге экспорттауға мүмкіндік береді.

• 28.05.2024
• 122