ҚР Қаржы министрі Мәди Такиев Халықаралық валюта қоры (ХВҚ) миссиясының өкілдерімен кездесу өткізді

ХВҚ-ның Қазақстан Республикасының билігімен консультациялар өткізу жөніндегі жыл сайынғы миссиясы ХВҚ Жарғысының IV бабына сәйкес жүзеге асырылады.

Кездесуге ХВҚ-ның Қазақстан бойынша миссиясының басшысы Николя Бланше, оның орынбасары Алехандро Зайденберг және басқа да сарапшылар қатысты.

Кездесу барысында Орта мерзімді кезеңге арналған экономикалық перспективалар, 2024 жылғы бюджеттің ағымдағы атқарылуы, ҚР Қаржы министрлігі қызметінің негізгі басымдықтары, оның ішінде бюджет және Салық кодекстерін дайындау, мемлекеттік сатып алу рәсімдерін жетілдіру мәселелері талқыланды.

Мәди Тақиев Қазақстандағы ағымдағы экономикалық жағдай және ҚР Үкіметі жүргізіп жатқан экономикалық реформалар туралы егжей-тегжейлі айтып берді.

Кездесу соңында Қаржы министрі Қазақстан ХВҚ-мен өзара іс-қимылдың стратегиялық сипатын жоғары бағалайтынын және одан әрі өзара тиімді ынтымақтастыққа сенімді екенін атап өтті.

• 28.05.2024
• 150