Нұрдәулет Қилыбай маңғыстаулықтарды Мемлекеттік рәміздер күнімен құттықтады

- Жүрегі жерім, елім деп соққан әрбір азамат үшін бұл күн ерекше күн.

Мемлекет басшысы Қасым-Жомарт Тоқаев Мемлекеттік рәміздерде бүкіл Қазақстан халқын біріктіретін, жалпыұлттық бірегейлігімізді нығайтатын құдыретті күш бар екенін атап өтті. 

Расында Мемлекеттік Ту, Елтаңба, Әнұран – халқымыздың асқақ рухын, салт-дәстүрін, ұлттың қаһармандығы мен даналығын, даламыздың өткені, бүгіні мен болашағын сабақтастыратын арман-тілегін бейнелейтін ерекше құндылықтар. 

Олар бізге биік мақсаттарға қол жеткізу жолында күш-жігер береді.

Құрметті жерлестер, баршаңызды айтулы Мемлекеттік рәміздер күнімен шын жүректен құттықтаймын! Тәуелсіз мемлекетіміздің көк байрағы биіктен желбіреп, абыройы асқақтай берсін!, – деді облыс әкімі Нұрдәулет Қилыбай.

• 05.06.2024
• 89