Белгіленген жиынтық қуаты 20 МВт ГЭС құрылысына жобаларды іріктеу бойынша алғашқы аукциондық сауда-саттық өтті

2024 жылғы 10 маусымда ҚР БЭЖ Солтүстік және Оңтүстік аймақтары үшін (Тентек өзенін қоспағанда) ЖЭК бойынша жиынтық белгіленген қуаты 20 МВт гидро электр станцияларын салуға арналған жобаларды іріктеу бойынша алғашқы аукциондық сауда-саттық өтті.

Аукциондық сауда-саттыққа қатысуға 8 компания жіберілді, сауда сессиясын өткізу барысында қатысушылар 30 баға ұсынысын берді. Аукциондық сауда-саттыққа қатысушылардан қуаттың мәлімделген жиынтық көлемі 50.35 МВт құрады.

ҚР Энергетика министрлігі бекіткен ГЭС жобаларын іріктеу бойынша аукциондық сауда-саттықты өткізу кезіндегі шекті аукциондық баға 2024 жылы 41.23 тг/кВтсағ (ҚҚС-сыз) құрады. Өтінімдердің баға диапазонының төмендеуі 41.23-тен 10 тг/кВтсағ (ҚҚС-сыз) дейін құрады.

Аукциондық сауда-саттықты ұйымдастыру және өткізу қағидаларының 55-тармағына сәйкес белгіленген қуатты іріктеу көлемі 20-дан 21.3 МВт-қа дейін ұлғайтылды.

Аукциондық сауда-саттық қорытындысы бойынша жеңімпаздар болып келесі компаниялар анықталды:

• «ЖЭС Толқын» ЖШС жобаның белгіленген қуаты 0.5 МВт, аукциондық бағасы 10 тг/кВт*сағ (ҚҚС-сыз);
• «Жарык Энерго» ЖШС Ұлттық Энергетикалық Компания» ЖШС жобаның белгіленген қуаты 8.6 МВт, аукциондық бағасы 28 тг/кВт*сағ (ҚҚС-сыз);
• «ФаБ Строй» ЖШС жобаның белгіленген қуаты 1.3 МВт, аукциондық бағасы 35.47 тг/кВт*сағ (ҚҚС-сыз);
• «ЖЭС Толкын» ЖШС жобаның белгіленген қуаты 3 МВт, аукциондық бағасы 35.48 тг / кВт*сағ (ҚҚС-сыз);
• «Ақсугидро» ЖШС жобаның белгіленген қуаты 9 МВт, аукциондық бағасы 35.49 тг/кВт*сағ (ҚҚС-сыз);
• «ЖабықГидроРесурсы» ЖШС жобаның белгіленген қуаты 3 МВт, аукциондық бағасы 36.5 тг/кВт*сағ (ҚҚС-сыз).

Аукциондық сауда-саттықты ұйымдастыру және өткізу қағидаларының талаптарын сақтау мақсатында байқаушылар ретінде ҚР Энергетика министрлігінің, «Қазақстан электр энергетикалық қауымдастығы» ЗТБ, «KAZENERGY» ЗТБ, USAID өкілдері қатысты.

Байқаушылар «KOREM» АҚ аукционды ұйымдастырушының электрондық сауда жүйесі жұмысының толық ашықтығын атап өтті

ЖЭК бойынша аукциондық сауда-саттық жеңімпаздарының тізілімімен сауда-саттықты ұйымдастырушының ресми интернет-ресурсында танысуға болады: https://vie.korem.kz/rus/analitika/restr_pobed/ 

Келесі аукцион 2024 жылғы 11 маусымға ҚР БЭЖ-нің барлық аймақтары бойынша (Тентек өзенін қоспағанда) гидро электр станцияларын салуға арналған жобаларды іріктеу бойынша белгіленген жиынтық қуаты 20 МВт-қа тағайындалды.

• 10.06.2024
• 152