Маңғыстауда орыс және украин этномәдени бірлестіктерінің өкілдері Ассамблея төрағасының қос орынбасары болып тағайындалды

11 маусым күні Маңғыстау облысы Қазақстан халқы Ассамблеясының сессиясы өтті. Нұрдәулет Қилыбай сессияға өңір басшысы және Ассамблея төрағасы ретінде алғаш рет қатысты, деп хабарлайды облыс әкімінің баспасөз қызметі.

Жиынға ҚР Мәдениет және ақпарат министрлігі Этносаралық қатынастарды дамыту комитетінің төрағасы Ғалым Шойкин де қатысты.

Сессия барысында Маңғыстау облысы Қазақстан халқы Ассамблеясының бірінші жартыжылдықтағы жұмыс қорытындылары, «Ассамблея жастары» филиалы жанындағы медиация, ақсақалдар, аналар кеңестерінің қызметі туралы баяндалды.
Сондай-ақ, сессия мүшелері Маңғыстау облысы Қазақстан халқы Ассамблеясы төрағасының қоғамдық орынбасарлығына екі кандидат – Маңғыстау облысы бойынша «Т.Г.Шевченко атындағы украин этномәдени бірлестігі» қоғамдық бірлестігінің төрайымы Оксана Белоножкинаны және «Орыс жерлестігі» ҚБ мүшесі, Ақтау қаласының іскер әйелдер қауымдастығының төрағасы Ирина Беляеваны бекітті. 

Сессия соңында Маңғыстау облысының бірқатар азаматтары су тасқынынан зардап шеккен өңір тұрғындарына көмек көрсетуге қосқан үлесі марапатталды.

• 12.06.2024
• 134