Облысымыздың 164 ауылы талшықты-оптикалық байланысқа қосылатын болады

«Қолжетімді интернет» ұлттық жобасы бойынша 2027 жылға дейін облысымыздың 164 ауылы талшықты-оптикалық байланысқа қосылатын болады.

Биыл интернет 42 ауылға тартылды. Келесі жылы 59, ал 2027 жылға қарай қалған 63 ауыл  қамтылады.

Интернет байланысын жақсарту үшін трассалар бойында 14 антенна тіректері салынады.

Сондай-ақ Қарағандыда 5G-дің қамту аймағы кеңеюде! Қазірдің өзінде 13 базалық станция орнатылды, ал келесі жылы тағы 45 станция іске қосылады.

Жоғары жылдамдықты интернетті барынша қолжетімді ету қажет. Бұл үшін ауылдық мектептер Starlink желісіне қосылуда. Бүгінде ең шалғай ауылдарды қоса алғанда, 42 мектеп интернетпен қамтамасыз етілді. Жақын арада интернет өңірдегі тағы 64 мектепте пайда болады.

• 14.06.2024
• 153