Астанада Қазақстандағы орнықты даму мақсаттарын оқшаулау талқыланды

2024 жылы 6 маусымда Астана қаласында азаматтық қоғамның қатысуын кеңейту арқылы ОДМ-ның тиімді басқаруды ілгерілетуге және оқшаулауға бағытталған «Glocal – Қазақстанда ОДМ-ды оқшаулауды ілгерілету» жобасының тұсаукесері өтті.

Тұсаукесерге «АҚДҚ» Азаматтық қоғамды дамыту қауымдастығының атқарушы директоры – Жәмилә Асанова, Еуропалық Одақтың Қазақстан Республикасындағы өкілдігінің ынтымақтастық жөніндегі басшысы – Йоханнес Баур, ҚР ҰЭМ Әлеуметтік саланы, құқық қорғау және арнайы органдарды дамыту департаментінің директоры – Жанназарова Нұргүл, ҚР Парламенті Мәжілісінің депутаты – Құдайберген Бексұлтанов, ҚР Мәдениет және ақпарат министрлігінің Азаматтық қоғам істері жөніндегі комитетінің төрағасы – Гүлбара Сұлтанова, Қазақстандағы БҰҰДБ жобалық менеджері – Эльдар Идиятов, азаматтық қоғам мен жергілікті атқарушы органдардың өкілдері және басқалар қатысты.

Йоханнес Баур Орнықты даму мақсаттарын іске асыруда Қазақстанды қолдауға дайын екенін білдірді. Сондай-ақ, «Global Gateway» стратегиясын және басқа да жобаларды іске асыру барысында ЕО барлық деңгейлерде өміршеңдікті нығайтуды, орнықты дамуға және жалпыға бірдей өркендеуге ықпал етуді жалғастыратынын айтты.

Өз сөзінде Н. Жанназарова Үкіметтің ОДМ-ды ұлттық және өңірлік деңгейлерде ілгерілету бойынша жүргізіп жатқан жұмысы туралы, сондай-ақ БҰҰ-ның Орнықты даму мақсаттарының нысаналы индикаторларын МЖЖ құжаттарына енгізуді талап ететін Қазақстандағы Мемлекеттік жоспарлаудың жаңа жүйесі туралы айтып берді.

Атап айтқанда, жергілікті атқарушы органдардың ОДМ-ды оқшаулаудағы жауапты рөлінің, сондай-ақ жергілікті өңірлерде жүйелі және дәйекті жұмыс жүргізудің маңыздылығы мен қажеттілігін атап өтті.

Бұл отырысқа қатысушылар үшін Glocal жобасын іске қосуды және оның ОДМ-ды оқшаулау арқылы жергілікті дамуға аумақтық тәсілдің тиімді моделін енгізудегі пайдасын талқылайтын алаң болды.  Жоба екі пилоттық аумақта – Қарағанды облысындағы Қарқаралы қаласында және Қызылорда облысындағы Қамыстыбас ауылында ОДМ-ды оқшаулау жолымен жергілікті дамуға аумақтық тәсілдің тиімді моделін іске асырып, әрі қарай Қазақстанның басқа өңірлеріне таралады.

• 19.06.2024
• 170