Қостанай облысы Бизнес үшін электр энергиясына тарифтердің төмендеуін жалғастыруда

"Қостанай Энергоцентрі" ЖШС ҚР ҰЭМ Табиғи монополияларды реттеу комитетінің Қостанай облысы бойынша департаментіне заңды тұлғалар үшін электр энергиясына тарифті 1 кВт үшін 36,27 теңгеден 34,46 теңгеге дейін 5,0% - ға төмендету туралы хабарлама берді.(ҚҚС есептемегенде).

Төмендетілген тариф 2024 жылғы 1 шілдеден бастап қолданысқа енгізіледі.

Тарифті төмендету ҚР ҰЭМ ТМРА аумақтық департаменттері реттелмейтін энергиямен жабдықтаушы ұйымдарды электр энергиясымен жабдықтау жөніндегі қызметтерге лицензиялардың қолданылуын жақында тоқтатқаннан кейін мүмкін болды.

Естеріңізге сала кетейік, бұл жұмысты Үкімет Мемлекет басшысының делдалдық құрылымдарды, оның ішінде тұтынушыларды электрмен жабдықтау тізбегіндегі өнімсіз делдалдарды алып тастау жөніндегі тапсырмасы шеңберінде жүргізді.

Тарифті төмендетудің алғышарты тұтынушылардың (Облыстың заңды тұлғалары мен бюджеттік ұйымдарының) реттелмейтін энергиямен жабдықтаушы ұйымдардан электр энергиясын кепілді жеткізушіге ("Қостанай Энергоцентрі" ЖШС) ауысуы болды, бұл кепілді жеткізушінің көрсетілетін қызметтерінің көлемін ұлғайту жағына, тиісінше тарифті төмендетуге әсер етті.

Электр энергиясы қызметтерін үздіксіз алу үшін Қостанай облысының бұрын реттелмейтін жеткізушілерде қызмет көрсететін заңды тұлғаларының "Қостанай Энергоцентрі"ЖШС-мен жедел түрде тиісті шарттар жасасу мүмкіндігі бар.

Туындаған мәселелер бойынша "Қостанай Энергоцентрі" ЖШС-не жүгінуге болады:

✔ Заңды тұлғалар үшін:

- Қорған көшесі, 8 (қалалық электр желісінің ғимараты), тел: 8 7142-93 10 71.

• 21.06.2024
• 228