«Азаматтық қоғам институттарымен өзара іс-қимыл тетіктері» тақырыбында семинар.

Астанада азаматтық қоғам институттарымен өзара байланыс бойынша семинар өтті

Бүгін Астанада Мәдениет және ақпарат министрлігінің ұйымдастыруымен жергілікті атқарушы органдардың қызметкерлері үшін «Азаматтық қоғам институттарымен өзара іс-қимыл тетіктері» тақырыбында семинар өтті.

Семинарда ҚР МАМ Азаматтық қоғам істері комитетінің төрағасы Гүлбара Сұлтанова азаматтық қоғам институттарымен өзара байланыс пен конструктивті диалогтың маңызды екенін атап өтті.

Қатысушылар үкіметтік емес ұйымдарды қаржыландыру, қоғамдық кеңестер мен қоғамдық бақылау жұмыстарын, ҮЕҰ-мен өзара байланыс, ҮЕҰ дерекқорын енгізу секілді өзекті мәселелерді талқылады.

Сарапшылар мемлекеттік гранттарды жоспарлау кезеңдерін және оларды қаржыландыру процесін түсіндірді, сондай-ақ мемлекеттік әлеуметтік тапсырыс шеңберінде техникалық сипаттама дайындау ерекшеліктерін ұсынды.

Семинар қорытындысы бойынша көтерілген мәселелерді шешу жолдары анықталып, қатысушыларға кеңес берілді.

ҚР Мәдениет және ақпарат министрлігінің баспасөз қызметі

• 21.06.2024
• 179