Құрметті БАҚ өкілдері!

Сіздерді 28 маусым – Бұқаралық ақпарат құралдары қызметкерлерінің күнімен шын жүректен құттықтаймын!

Осы орайда Қаржы министрлік пен қоғамның арасындағы өзара тиімді байланыстың нығаюына сіңірген еңбегіңіз үшін сізге алғыс айтамын!

Халқымыздың қаржы сауаттылығын дамытып, іскерлік ағартушылықтың жолға қойылуына журналистердің атқарған жұмысы зор. Қоғамның құлағы, көзі һәм тіліне айналған масс-медиа өкілдерінің азаматтық ортаны қалыптастырудағы рөлі мен мән-маңызы қашанда жоғары.

Егемен еліміздің кірісі мен шығысын реттейтін бас органның жұмысын ақпараттық тұрғыда сүйемелдеп, көпшілікке дұрыс әрі қажетті мәліметті жеткізіп келе жатқаныңызға ризашылығымыз шексіз.
Шабыттарыңыз сарқылмай, қаламдарыңыз ұштала берсін!

Шығармашылықтың шыңын бағындырып, толайым табысқа кенелуіңізді тілеймін!

Жауапты жұмыста жолыңыз ашық болсын!

• 28.06.2024
• 204