ҚДБ 500 млрд теңгеге АӨК және тағам өнеркәсібін дамытуға арналған бағдарламаны іске қосады

«Қазақстанның Даму Банкі» АҚ («Бәйтерек» холдингінің еншілес құрылымы) Агроөнеркәсіптік кешенде (АӨК), тағам және сусын өндірісі секторында инвестициялық жобаларды қолдаудың 2024-2029 жылдарға арналған жаңа бағдарламасының іске қосылғаны туралы хабарлайды.

Бағдарлама аясында қаржыландырудың жалпы көлемі 500 млрд теңгені құрайды. Бағдарламаның негізгі мақсаты – импортты алмастыру және экспортты кеңейту мақсатында ауыл шаруашылығы өнімдерін қайта өңдеуге бағытталған инвестициялық жобаларды қолдау. Осы бағдарлама аясында екі инвестициялық жоба мақұлданды – бұл ет өндіретін құс фабрикасы және қапталған тазартылған өсімдік майын өндіру үшін май зауытын жаңғырту.

Бағдарлама АӨК-тегі өңделген өнімнің үлесін 70%-ға дейін ұлғайту мақсаты қойылған Мемлекет басшысының 2023 жылғы 1 қыркүйектегі Қазақстан халқына Жолдауына сәйкес, сондай-ақ Үкіметтің экономикалық өсуді қамтамасыз ету жөніндегі жоспарын іске асыру аясында әзірленді.

Сондай-ақ, ҚДБ қарауында бидай, жүгері дәндерін терең өңдеу, ет өндіретін құс фабрикаларын дамыту, жылыжай кешенін салу және кондитерлік фабриканы кеңейту, сондай-ақ экспорттық агроөнеркәсіптік кластерді қалыптастыру бойынша бірқатар жобалар бар.

АӨК және тағам өнеркәсібі саласындағы жобаларды қаржыландыруды ұсыну шарттары:

Қаржыландыру сомасы – 3 млрд теңгеден бастап.

Қарыз мерзімі – 5 жылдан 20 жылға дейін.

Бұдан басқа, АӨК және тағам өнеркәсібін қайта өңдеу саласындағы ірі жобаларды іске асыру мақсатында ҚДБ жобаларды Екінші деңгейдегі банктермен, сондай-ақ шетелдік және халықаралық қаржы институттарымен бірлесіп қаржыландыруға мүдделі.

Www.kdb.kz мекенжайы бойынша Банктің ресми сайтында немесе Клиенттермен жұмыс жасау дирекциясына хабарласу арқылы бағдарламаның шарттары туралы толық ақпарат алуға және өтінім беруге болады (байланыстар сайтта көрсетілген).

• 15.07.2024
• 203