«ҚТЖ-Жүк тасымалы» ЖШС-ның өз өтінімін қоғамдық талқылауға шығарды

2024 жылғы 27 мамырда ҚР ҰЭМ Табиғи монополияларды реттеу комитеті жария тыңдауларда «ҚТЖ-Жүк тасымалы» ЖШС-ның жүктерді теміржол көлігімен тасымалдау және локомотивтік тартқыш қызметтерінің бағасын алдағы уақытта көтеру туралы ақпаратын талқылады.

Ақпарат ҚР Ұлттық экономика министрінің 2017 жылғы 1 ақпандағы №36 бұйрығымен бекітілген Қоғамдық маңызы бар нарықтарда баға белгілеу қағидаларына (Баға белгілеу қағидалары) сәйкес ұсынылды.

Жария тыңдауларды өткізудің мақсаты жариялылықты, хабардар болуды, тұтынушылар мен субъектілер мүдделерінің теңгерімін сақтауды, тауарларға (жұмыстарға, көрсетілетін қызметтерге) бағаларды қалыптастырудың ашықтығын және баға белгілеу қағидалары талап ететіндей шынайылықты қамтамасыз ету болып табылады.

Жария тыңдауларға Комитет Төрағасының орынбасары Тимур Ернатұлы Қосымбаев төрағалық етті.

«ҚТЖ – Жүк тасымалы» ЖШС-ның Экономика және қаржы жөніндегі орындаушы директор – Ақынбеков Ілияс Жолдасбекұлы жүктерді теміржол көлігімен тасымалдау және локомотивтік тартқыш қызметтері бағасының жобалары бойынша баяндама жасады.

Жария тыңдауларда мүдделі мемлекеттік органдардың, «Атамекен» ҚР ҰКП-ның, бұқаралық ақпарат құралдарының, қоғамдық маңызы бар нарықтар субъектілерінің өкілдері, сондай-ақ қауымдастықтар мен басқа да ұйымдардың өкілдері қатысты.

Тыңдаулар барысында «ҚТЖ- Жүк тасымалы» ЖШС-ның жүктерді теміржол көлігімен тасымалдау және локомотивтік тартқыш қызметтерінің шекті бағасының жобасына пікірлер мен ұсыныстар айтылды және тыңдалды.

Жария тыңдауға қатысушылар өздерін қызықтырған сұрақтар қойып, Комитет хабарламаны қарау кезінде ескеретін пікірлер мен түсініктемелер берді.

Комитет субъект пен қызметті тұтынушылар арасындағы теңгерімді сақтай отырып, негізделген бағаны бекіту кезінде айтылған барлық ұсыныстарды ескеретінін атап өтеді.

• 17.07.2024
• 134