Маңғыстау облысында мұғалімдерден ақша жинау туралы

Бүгін Маңғыстау облысында мектеп директорының айыппұлдарды жабу үшін мұғалімдерден ақша жинауы туралы ақпарат тарады.

Оқу-Ағарту министрлігі білім беру ұйымдарының басшыларына айыппұл салу мәселесін жүйелі қарастыруда.
Министрдің тапсырмасына сәйкес 2023, 2024 жылдары мектеп директорларына салынған айыппұлдарға анализ жасалды.
Айыппұлдың көп бөлігі СЭС, ЧС ұйымдарымен салынған.
Қазіргі кезде Мәжіліс депутаттарының инициативасымен айыппұл салудың заңнамалық негізі қарастырылуда.
Министрлік бірнеше мәселелерді көтеруде:
- СЭС ұйымдарының жеке тұлғаға айыппұл мөлшерін төмендету, ол қазір 230 МРП, шамамен 850 мың теңгені құрайды. Яғни бұл мектеп директорының 2-3 айлық еңбекақысы;
- айыппұл салу үшін заңды тұлға мен жеке тұлға арасындағы жауапкершілік аражігін нақтылау, өйткені көп жағдайда мектеп директорының қолынан келмейтін дүниелер болады;
- айыппұл салмастан бұрын “ескерту” жазасының ресми енуі.
Кез келген жағдайда мектеп директорының кінәсі обьективті қарастырылуы керек.

• 23.07.2024
• 94