Қазақстан Республикасының Ішкі істер министрі Ержан Саденов Нью-Йоркте БҰҰ-ға мүше мемлекеттердің полиция құрылымдары басшыларының кезекті саммитіне қатысты

26-27 маусымда Қазақстан Республикасының Ішкі істер министрі Ержан Саденов Нью-Йоркте БҰҰ-ға мүше мемлекеттердің полиция құрылымдары басшыларының кезекті саммитіне қатысты
Іс-шараға 110 елдің Ішкі істер министрліктері мен полиция ведомстволарының басшылығы қатысты.
Министр Ержан Саденов қатысушылар алдында сөз сөйлеп, әріптестерін құқықтық тәртіпті нығайту және қылмысқа қарсы күрес бойынша Қазақстан ІІМ қабылдап жатқан шаралар туралы хабардар етті. Қазақстандық делегация басшысы жаңа сын-қатерлерге, оның ішінде адам саудасына, есірткі трафигіне, киберқылмысқа, экстремизмге қарсы іс-қимылда бірлескен ынтымақтастыққа дайын екенін мәлімдеді. Саммит аясында министр Ержан Саденов басқа елдердің полиция басшыларымен екіжақты кездесулер өткізді. Онда полиция қызметінің әртүрлі салаларында ынтымақтастық пен тәжірибе алмасуды кеңейту перспективалары талқыланды.

 

• 25.07.2024
• 130