- Блогтар
- Саткалиев А.М.
Саткалиев А.М.
ҚР Энергетика министрі
Энергетика вице-министрі С. Есімханов Батыс Қазақстан облысының энергетикалық кәсіпорындарын аралады
Батыс Қазақстан облысына жұмыс сапары барысында Энергетика вице-министрі Сұңғат Есімханов «Батыс Қазақстан өңірлік компаниясы» ЖШС-де болып, электржелілік кәсіпорынның қызметімен және күрделі жөндеу, сондай-ақ инвестициялық бағдарлама бойынша жүргізіліп жатқан жұмыстармен танысты. Бас директор Қуат Мусин табиғи сипаттағы төтенше жағдай кезінде зардап шеккен энергия объектілерін қалпына келтіру жұмыстарының ағымдағы барысы, электр желілерінің жай-күйі және одан әрі жаңғырту жоспарлары туралы баяндады. Бұдан әрі Сұңғат Есімханов Қаратөбе ауданы Қоржын ауылында болып, кернеуі 0,4 -10 кВ жоғары вольтты желілердің темірбетон тіректерін қалпына келтіру бойынша жүргізіліп жатқан жұмыстармен танысты.
Сонымен қатар сапар барысында Сұңғат Есімханов «Жайықжылуэнерго» АҚ Орал ЖЭО-да және жылу желілерінде жүргізіліп жатқан жөндеу жұмыстарының барысымен танысты.
Қазақстан Республикасы Энергетика министрлігінің Атомдық және энергетикалық қадағалау және бақылау комитеті тұрақты негізде энергия кәсіпорындарында жөндеу жұмыстарын жүргізу барысына мониторинг жүргізеді.
- 26.07.2024
- 99