Шахтинскте су құбыры желілерін қайта құру жұмыстары жалғасуда

Биыл Шахтинск қаласында ТКШ саласына үлкен көңіл бөлінуде. Қала алдағы жылыту маусымына қызу дайындалуда. ЖЭО-да үш қазандық пен екі турбина жөнделіп жатыр. Сонымен қатар қалада 4 км жылу желілері жаңартылып, құбырлардың жылу оқшаулағыштары қалпына келтірілуде.

Шахандағы қазандықта да суды тазарту сүзгілерін орнату және қазандықтардың қажетті бөліктерін ауыстыру жүргізілуде.  

Сондай-ақ Шахтинск қаласында су құбыры желілерін қайта жаңарту басталды. Бірінші кезеңде Абай көшесінен Жеңістің 40 жылдығы даңғылына дейін және Индустриальная көшесінен автовокзалға дейін 43 км құбыр желілері  жаңартылды. Биыл тағы 50 км-ге жуық құбырлар жөнделеді.

Осыған дейін тұрғындармен өткен кездесулерде Қарағанды - Саран-Шахтинск жолының мәселесі жиі көтерілетін еді. Биыл бұл жолдың 4,2 шақырымы ретке келтіріледі. Қалған 10 км жол келесі жылы жөнделеді.   Сарапшыларға битум төсеу технологиясын және жол жабынының   қалыңдығын тексеруді тапсырдым.

Құрметті тұрғындар, біздің барлық жұмыстарымыз Шахтинск қаласында өмір сүруге қолайлы жағдайларды жасауға бағытталған. Қазіргі уақытта әріптестерімнің жасаған жұмыстарының біршама нәтижелері баршылық. Дегенмен, әлі де атқарылатын қыруар шаруалар бар. Осы орайда сіздерге қала өміріне белсенді қатысып жүргендеріңіз үшін алғысымды білдіремін.

• 31.07.2024
• 165