🔹Энергетика вице-министрі Қарағанды облысындағы электр станциясында болды

Жұмыс сапары барысында вице-министр Сұңғат Есімханов «Топар бас энергия тарату станциясы» ЖШС-де болып, станцияның күл үйіндісінің учаскелерінің құрылысы бойынша жүргізіліп жатқан жұмыстармен және күзгі-қысқы кезеңге дайындық бойынша жүргізіліп жатқан күрделі жөндеу жұмыстарымен танысты.

Бас директор Темірлан Өтегенов №11 қазандық пен №7 турбинаны күрделі жөндеу жұмыстарының ағымдағы барысы туралы, сондай-ақ №9, 12 қазандықтарда және №5 турбинада алдағы жөндеу жұмыстары туралы баяндады.

Топар ГРЭС-те қуаттылығы 130 МВт №3 турбинаны қайта жаңғырту жұмыстары жасалуда. Қазіргі уақытта учаскеде турбоагрегат ұяшығындағы іргетастарды, шұңқырларды, каналдарды орнату, электр жабдықтарын сынау, кабельдерді төсеу, құбыр кешендерін монтаждауға дайындау, турбиналық түйінді үлкейту және генераторды орнатуға дайындау жұмыстары жүргізілуде. Жобаның жоспарланған аяқталу мерзімі-2024 жылдың желтоқсаны.

Қазақстан Республикасы Энергетика министрлігінің Атомдық және энергетикалық қадағалау мен бақылау комитеті тұрақты негізде энергия кәсіпорындарында жөндеу жұмыстарының жүргізу барысына мониторинг жүргізеді.

• 02.08.2024
• 144