Құрметті ардагерлер!

Құрметті ардагерлер!

Ардақты шығысқазақстандықтар!

Бүгін біз Ұлы мейрам – Жеңіс күнін тойлаймыз. Қасиеті мен қадірі жоғары бұл күнді ерекше сезіммен қарсы алатынымыз ақиқат.

Майдан даласына 180 мыңнан астам шығысқазақстандық шақырылды, олардың 83 мыңы елге оралмады.

109 мың шығысқазақстандық Кеңес Одағының Батыры атағын иеленіп, 24 азамат Даңқ орденінің толық Кавалері атанды.

Ұлы Жеңіс жолында зұлымдық пен зорлыққа қарсы қасқая еңбек еткен ерлерінің ерен үлесі ешқашан ұмыт болмайды. «Ұлы Отан соғысындағы ерлік еңбегі үшін» медалімен 9 мың жерлесіміз марапатталғаны зор мақтаныш. 

Бабалар жолы – батырлықтың, қайсарлық пен Отанға деген адалдықтың айқын үлгісі.

Мәңгілік ел оқ пен оттың өтінде жанын садаға еткен, тылда тыңбай тер төккен, соғыстан кейінгі жылдары ел іргесін нықтап, қалпына келтіру ісінде өнеге болған әр азаматының рухы мен асқақ абыройын мәңгі ұлықтайды. 

Ұлы Жеңіс алып мемлекеттің халқы арасында салтанат құрған бірлік пен ынтымақ, достық пен келісімнің арқасында мүмкін болды. Татулық туын тұғырға бекіткен біздің ел де ұлт пен ұлысты бір шаңырақ астына біріктіріп, тарихтың тағылымға толы дара жолын таңдады. Сондықтан ардагерлерге деген құрмет олардың батырлығы іспеттес зор болуы тиіс.

Мейрамдарыңызбен, құрметті ардагерлер! Сіздерге және жақындарыңызға мықты денсаулық, амандық тілеймін! 

Қазақстан елінде тек бейбіт заман болсын! 

Даниал Ахметов,

Шығыс Қазақстан облысының әкімі

• 05.05.2018
• 3657