Қарағанды облысында 35 ауылдық мектеп жаңғыртылады

Баршаға белгілі, жыл сайын жазғы маусымда мектептер мен балабақшаларды жөндеу жұмыстарымен белсенді түрде айналысамыз. Биыл 257 білім беру нысанын ретке келтірудеміз. Біз 35 ауыл мектебін жаңғыртудамыз, оның ішінде күрделі және ағымдағы жөндеу, оқу кабинеттерін, жиһаздарды, кітапханаларды, асханалар мен қауіпсіздік жүйелерін жаңартып жатырмыз.

Күнгейліктердің көптен күткен қуанышты күні жақын. Алдағы  айдың басында 600 орындық мектеп ашылатын болады. Сонымен қатар, қалада 380 орындық үш жаңа жекеменшік мектеп ашылады.Қыркүйек айында Бұқар жырау ауданының Жаңа құрылысауылында 150 орындық мектепті пайдалануға береміз.

Жыл соңына дейін Қарағанды, Шахтинск қалаларында жәнеҚарқаралы мен Шет аудандарында 505 орындық тоғыз мектепке дейінгі ұйымды ашамыз.

Мектептерді заманауи пән кабинеттерімен жабдықтауды жалғастырамыз. Биыл 65-і жоспарланса, оның 36-сы орнатылды.

Әлеуметтік жағынан осал санаттағы 12 мың баланы жалпыға бірдей білім беру қорынан мектеп формасы мен кеңсе керек-жарақтарымен қамтамасыз етеміз. Көмек көрсету туралы қосымша ақпарат алу үшін облыстың қалалары мен аудандарының білім бөлімдеріне хабарласуға болады.

Бастауыш сыныптардың 77 мыңнан астам оқушылары тегін түскі аспен қамтамасыз етіледі.

Биыл 16 мыңға жуық бала 1-сыныпқа барады. Облыстағы мектептерде барлығы 172 мыңнан астам оқушы білім алатын болады. Әрбір баланың сапалы білім алуы үшін қолайлы жағдай жасау қажет. Сол мақсатта жұмысты жалғастыратын боламыз.

• 07.08.2024
• 102