Нұрдәулет Қилыбай аламан бәйгеде топ жарған маңғыстаулық «Көкжебе» тобын марапаттады

10 тамыз күні өңір басшысы Нұрдәулет Қилыбай Абай облысында өткен «Алтын бесік – Ақсуат» спорт және өнер фестивалі аясында 135 шақырым қашықтыққа шауып, топ жарған маңғыстаулық «Көкжебе» тобымен кездесіп, оларға құрмет көрсетті.

Думанды тойдың ең басты тартуы – 135 шақырымдық аламан бәйге шілде айының аяғында Ақсуаттағы «Екпін» атшабарында өтті. Ұзақ қашықтықтағы бәйгеге барлығы 80 ат қатысты. Жарыс жолына шыққан сексен тұлпардың ішінен оза шапқан маңғыстаулық «Көкжебе» мәреге бірінші жетті. Аламан бәйгеде топ жарған маңғыстаулық «Көкжебенің» иесі Ербол Ермағанбетовке су жаңа автокөліктің кілті табысталған болатын.

Облыс әкімі Нұрдәулет Қилыбай қазақ халқы үшін бәйгенің маңыздылығын атап өтіп, бабы мен бағы қатар шауып, жеңіс тұғырынан көрінген «Көкжебені» мараппаттады.

- Бәйге - еліміздің ұлттық спортын дамытуда маңызды рөл атқарады. «Көкжебе» тобының жеңісі – маңғыстаулықтардың ат жарысындағы мықтылығын тағы да дәлелдеді. Ербол Ермағанбетовке және оның сәйгүлігіне жеңіс әкелгені үшін ерекше алғыс білдіреміз, – деді Нұрдәулет Қилыбай.

Маңғыстау облысы әкімінің баспасөз қызметі

• 12.08.2024
• 138