Аумақтық білім саласында сапаны қамтамасыз ету департаменттердің басшылары брифингте сөз сөйлейді

2024 жылғы 13 тамыздан бастап өңірлерде брифингтер басталды, оған Оқу-ағарту министрлігінің Білім саласындағы сапаны қамтамасыз ету комитетінің аумақтық департаменттері мен Білім басқармаларының басшылары қатысады.

Брифингтер қоғамды білім беру ұйымдарының жаңа оқу жылына дайындық барысы туралы хабардар етуге, сондай-ақ білім беру сапасын арттырудың негізгі мәселелерін талқылауға бағытталған.

Іс-шаралар барысында мектептер мен балабақшаларды жаңа оқу жылына дайындығы, педагогтерді қолдау бойынша шаралар, сондай-ақ жаңа оқу жылының өзгерістері мен жаңалықтары ұсынылатын болады. Спикерлер білім беру саласында жүргізілген тақырыптық мониторингтер, оқушылар үшін қауіпсіздік пен жайлы ортаны қамтамасыз ету, жөндеу жұмыстары, мектептерді жаңғырту, санитарлық нормаларды сақтау, мектептерді оқулықтармен қамтамасыз ету туралы баяндайды, сондай-ақ педагог мәртебесі және педагогикалық әдептің кейбір мәселелері туралы тақырыпты қозғайды.

Аумақтық департаменттердің басшылары білім беру сапасын жақсарту жөніндегі ұсынымдарға, білім беру ұйымдарының қызметін бағалау және бақылау жүйесіндегі жаңалықтарға, сондай-ақ «Жайлы мектеп» ұлттық жобасын іске асыру мәселелеріне назар аударады.

Білім беру процесіне қатысушылардың оқу жылы қарсаңындағы үйлесімді жұмысы, диалог пен өзара түсіністік кез келген қиындықтарды еңсеруге және білім беру ұйымдарында жайлы орта құруға көмектеседі.

• 14.08.2024
• 110