Облыс орталығындағы жолдардың жөнделуін тексердім

Қарағанды жолдарында битум мен асфальтбетонды модификациялау үшін инновациялық бутонал, полимер технологияларын және арматуралық жол торын алғаш рет қолданып жатырмыз. Сарапшылардың пікірінше бұл материал  жарықтардың пайда болуына жол бермей  жол төсеміне жүктемені біркелкі таратып, асфальттың беріктігін едәуір арттырады. 

Облыс орталығындағы жолдардың жөнделуін тексердім. Абай көшесінде жұмыстар аяқталып, жол таңбалары салынуда. Сондай-ақ Мұстафин – Терешкова қиылысын ретке келтіру керек, бұл жұмыстар алдағы күндері жасалады.

Ал Пичугин көшесінде күрделі жөндеу өтіп жатыр. Асфальт вокзалдан Гоголь көшесіне дейін төселді, ал Гогольден Қарағанды Суға дейінгі аралықта асфальттың төменгі қабаты төселуде. Сондай-ақ, жолжиектер, жарықтандыру орнатылып, нөсерлік кәріздер жабдықталуда. Қыркүйек айында бұл жұмыстар аяқталады. 

Ғарышкерлер көшесінде де қайта құру жұмыстары жүргізілуде. Асфальттың төменгі қабаты Бұқар жырау даңғылынан Гоголь көшесіне дейін төселді, сондай-ақ Гоголь көшесінен Конторский қиылысына дейінгі учаске жол төсеу жұмыстарын жүргізуге әзірленуде. Бұл жоба биыл аяқталады.

Сондай-ақ Дүйсембеков көшесінде (айналма жолдан Бұқар жырауға қарай) жол жөндеу жұмыстары аяқталып, жарықтандыру тіректері іске қосылды.

Күрделі жөндеу жұмыстары Четская көшесінде де жалғасуда. Мұнда «Орбита» шағынауданының айналма жолынан Бұқар жырау даңғылына дейінгі учаскеде асфальттың барлық қабаттарын төсеу жұмыстары аяқталды. Бұған қоса, Асфальтная көшесінен Молоковқа дейінгі аралықта асфальттың төменгі қабаты төселді. Биыл бұл жол пайдалануға тапсырылады.

Жұмыс сапары барысында бейінді органдарға жөндеу сапасын қатаң бақылауды, ал мердігерлерге кестеден қалыс қалмауды және тұрғындар үшін қолайсыздықты азайту үшін жолдардың аяқталған учаскелерін мүмкіндігінше тез арада ашуды тапсырдым.

Жалпы, биылғы жылы Қарағандыда 128,5 км автожолдарды жөндеп, олардың қалыпты жағдайдағы үлесін 79,3% - ға дейін арттыруды жоспарлап отырмыз.

• 21.08.2024
• 151