Ақтөбе облысында былтыр 23 мыңнан астам жаңа жұмыс орындары ашылды

Бүгін, 10 ақпан күні Ақтөбе облысының әкімі Оңдасын Оразалиннің тұрғындармен есептік кездесуі өтті. Есеп беру​ кезінде өңірдің 2020 жылдағы әлеуметтік-экономикалық дамуының нәтижесі баяндалып, биылғы жылдың міндеттері белгіленді. Шектеу шараларына байланысты кездесу онлайн түрде өтті.​ Өңір басшысы азаматтардың табысын көтеру, өңір халқының әл-ауқатын жақсарту мәселесіне баса назар аударды.

«Кәсіпорындардың жұмыстарын тоқтата тұруларына, карантиндік шектеулерге ​ байланысты азаматтардың табыстарының төмендеу қаупі пайда болды. Осы проблеманы шешу мақсатында тиімді шаралар қабылданды. Атап айтқанда, төтенше жағдай кезінде 520 мыңға жуық ақтөбелік 20 млрд теңге көлемінде әлеуметтік төлем алды. ​ 900-ден астам кәсіпорын 30 мың қызметкердің еңбекақысын орташа алғанда 10 %-дан 50 %-ға дейін өсірді. Жалпы, облыс тұрғындарының орташа айлық еңбекақысы 13,4%-ға өсіп, 173,4 мың теңгеге жетті. Осы жылы халық табысын арттыру жұмыстары жалғасатын болады»,-деп жеткізді облыс әкімі.

• 12.02.2021
• 230