Құрметті қазақстандықтар! Баршаңызды 30 тамыз – Қазақстан Республикасының Конституциясы күнімен құттықтаймын!

Ата заң – еліміздегі саяси-экономикалық тұрақтылықты, құқықтық жүйені қамтамасыз етіп отырған басты құжат. Тәуелсіздік жылдарынан бастап бүгінге дейін қабылданған заңдар халықтың бірлігін, қоғамдық және рухани келісімді нығайтып, егемендігіміздің кепіліне айналды.

Конституцияның мемлекетіміздің қаржы саясатын, әлеуметтік-экономикалық  деңгейін және азаматтардың әл-ауқатын арттырудағы маңызы зор. Заң талаптарын сақтау, тәртіпке бағыну – Отанға деген құрметтің белгісі.

Сіздерді еліміздің Ата заңы – Конституция күнімен құттықтай отырып, әр шаңыраққа құт-береке, молшылық, толайым табыс тілеймін!

Ынтымағы жарасқан еліміздің бағын асыратын, мерейін тасытатын үлкен істе баршаңызға сәттілік тілеймін!

• 29.08.2024
• 68