Табиғи монополиялар туралы заңнамадағы өзгерістер туралы

2024 жылдың бірінші жартыжылдығында «Табиғи монополиялар туралы» ҚР Заңына (бұдан әрі – Заң) кейбір өзгерістер мен толықтырулар енгізілді.

Мәселен, «Қазақстан Республикасының кейбір заңнамалық актілеріне бизнес жүргізу мәселелері бойынша өзгерістер мен толықтырулар енгізу туралы» ҚР Заңы шеңберінде (2024 жылғы 8 маусымнан бастап күшіне енді) олардың негізгілері мыналар:

- электр қондырғыларының белгіленген қуаты 200 кВт дейінгі кәсіпкерлік субъектілеріне шығындарды өтеу әдістемесін әзірлеу және бекіту;

- онлайн-трансляция арқылы жария тыңдаулар өткізу;

- табиғи монополиялар субъектілерінің (бұдан әрі – ТМС) реттеліп көрсетілетін қызметтер бойынша бөлек есепке алуды жүргізу әдістемелерін уәкілетті органмен келісу міндеті;

- қуаты аз ТМС реттеліп көрсетілетін қызметтердің әрбір түрі бойынша кірістердің, шығындар мен қолданысқа енгізілген активтердің бөлек есебін жүргізу және реттеліп көрсетілетін қызметті ұсынумен байланысты емес шығындарды қоспау жөніндегі міндеті;

- тұтынушылар алдында есептерді жариялау және алдағы есепті өткізу туралы өзінің интернет-ресурсында хабарландыру;

- бақылау субъектісіне (объектісіне) бармай профилактикалық бақылау жүргізу тәртібі болып табылады.

Бұдан басқа, бюджеттік ұйымдардың энергиямен жабдықтаушы ұйымдардың электр энергиясын бір көзден алу тәсілімен бөлшек саудада өткізу қызметтерін сатып алуы жөніндегі норманы 2026 жылға дейін ұзарту көзделген, бұл тұрмыстық тұтынушылар үшін электр энергиясына бағаның өсуіне жол бермеуге мүмкіндік берді (2024 жылғы 1 қаңтардан бастап).

Сонымен қатар, Мемлекет басшысы 2024 жылғы 1 шілдеде қол қойған «Қазақстан Республикасының кейбір заңнамалық актілеріне сатып алу және артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» ҚР Заңы шеңберінде Заңның 23-бабы – ТМС сатып алуды жүзеге асыру рәсімін жетілдіру бөлігінде өзгерді (2024 жылғы 1 қыркүйектен бастап күшіне енеді).

Барлық жаңашылдықтар тұтынушылар мен табиғи монополиялар субъектілері мүдделерінің теңгерімін, табиғи монополиялар салаларындағы мемлекеттік реттеу рәсімдерінің жариялылығы мен ашықтығын қамтамасыз етуге, сондай-ақ реттеліп көрсетілетін қызметтердің сапасын арттыруды ынталандыруға және оларға сұранысты қанағаттандыруға бағытталғанын атап өткен жөн.

• 03.09.2024
• 96