Ішкі істер министрлігі есірткінің алдын алу науқанын бастайды

Жаңа оқу жылында Ішкі істер министрлігі мектептер, колледждер мен жоғары оқу орындарында құқықтық білім беру бойынша республикалық акцияны бастайды.

Қыркүйек айында барлық оқу орындарында полицияның негізгі қызметтері басшылығының қатысуымен кездесулер өткізіледі. Мұнда жоғары сынып оқушылары мен студенттерге қылмыстық жауапкершілікке әкелетін мінез-құлық түрлері туралы ақпарат беріледі.

Алғашқы кездесуді елордалық IT университетінде бейінді департамент қызметкерлері өткізді. Жоғары оқу орнының оқытушылары мен әкімшілігіне студенттер қатысуы мүмкін құқық бұзушылықтардың түрлері, университет қабырғасында және жатақханаларда есірткіні жарнамалау және тарату тәсілдері, студенттердің есірткіні қолдану белгілері туралы айтылды.
Бұл жұмыс оқу жылы бойы жалғасады.

• 04.09.2024
• 86