Қазақстанның Даму Банкі Араб Үйлестіру тобының отырысына қатысты

"Қазақстанның Даму Банкі" АҚ ("Бәйтерек" холдингі еншілес ұйымы) елімізде алғаш рет Араб үйлестіру тобының қатысуымен өткен дөңгелек үстел отырысына қатысты. 

Іс-шараға ҚР Премьер-Министрінің орынбасары, Ұлттық экономика министрі Нұрлан Байбазаров, ҚР Су ресурстары және ирригация, Денсаулық сақтау және Көлік министрліктерінің, сондай-ақ «Бәйтерек «ҰБХ» АҚ, «Самұрық Қазына» ҰӘҚ» АҚ, Kazakhstan Invetsment Development Fund, «KazakhInvest ҰК» АҚ өкілдері қатысты. Дөңгелек үстел отырысын ҚДБ басшысы Марат Елібаев жүргізді. 

Араб үйлестіру тобының атынан Ислам даму банкі тобының президенті Мұхаммед Сүлейман әл-Джассер, ОПЕК халықаралық Даму Қорының, Кувейт араб экономикалық даму қорының, Сауд Даму Қоры мен Абу-Даби Даму қорының басшылары болды. 

Іс-шара шеңберінде қатысушылар сумен жабдықтау, ирригация, денсаулық сақтау, көлік және Қазақстан үшін маңыздылығы зор басқа да әлеуметтік жобалар саласындағы стратегиялық маңызды инвестициялық жобаларды қаржыландыру аясындағы ынтымақтастық жоспарлары мен мүмкіндіктерді талқылады.

Қазақстанның Даму Банкі Араб қаржы институттарымен ұзақ мерзімді әріптестікті нығайтуға мүдделі. Бұл өз кезегінде еліміздің экономикасына қомақты инвестициялар тартуға мүмкіндік беріп қана қоймай, сонымен бірге банк алдына қойылған стратегиялық міндеттерді іске асыруға ықпал етеді.

Қазақстанның Даму Банкінің аталған іс-шараға қатысуы оның халықаралық ынтымақтастықты дамытуға және Қазақстанның тұрақты экономикалық өсуі үшін инвестициялар тартуға ынталы екендігінің айғағы. 

• 05.09.2024
• 55