AFD панельдік сессиясында Қазақстанның Даму Банкінің өтпелі кезеңді қаржыландырудағы нақты тәсілдері таныстырылды

«Қазақстанның Даму Банкі» АҚ («Бәйтерек» холдингінің еншілес құрылымы) Astana Finance Day 2024 жыл сайынғы конференциясына қатысты. «Өтпелі кезеңді қаржыландыру. Тұжырымдаманы іс жүзінде жүзеге асыру» тақырыбында өткен панельдік сессия барысында Басқарма төрағасының орынбасары Ботагөз Әбішева Банктің орнықты даму және ESG саласындағы негізгі бастамалары мен жетістіктерін ұсынды.

«Біз экологиялық және әлеуметтік тұрақтылыққа ықпал ететін жобаларды белсенді инвестициялау арқылы тұрақты дамуды Стратегиямыздың ажырамас бөлігіне айналдыруға ниеттіміз. Бұл Қазақстанның тұрақты дамуына қосқан үлесіміз», - деп атап өтті спикер.

Өз сөзінде Ботагөз Әбішева кредиттік портфельдегі көміртегі ізін азайтуға және экологиялық таза жобаларды қолдауға бағытталған тәжірибелерді енгізу мен дамытудың маңыздылығын атап өтті.

Банк жалпы қуаты 360 МВт жел, күн және гидроэнергетиканы қоса алғанда, жаңартылатын энергетика саласындағы жобаларды белсенді қолдайды. 2023 жылдың қорытындысы бойынша банктің кредиттік портфеліндегі ЖЭК-жобалардың үлесі 5,4 пайызды құрады. Спикер сондай-ақ Банк жыл сайын парниктік газдар қалдықтарын есептеу (scope 1 және 2), сондай-ақ оның көміртегі ізін бағалау (scope 3) жұмыстарын жүргізетінін атап өтті.

2024 жылы Қазақстанның Даму Банкі дебюттік тұрақты облигацияларды сәтті шығарды. Аталған шығарылым Орталық Азиядан келген эмитент үшін халықаралық капитал нарықтарында бірінші болды. 2023 жылдың соңына қарай «жасыл» облигациялардың үлесі шығарылған бағалы қағаздардың жалпы көлемінің 20 пайызын құрады. Қаражат Батыс Қазақстандағы электр желілерін жаңартуды қоса алғанда, энергетикалық жобаларды қаржыландыруға бағытталды.

Сөз кезегінде «Самұрық Энерго» басқарушы директоры Алмасби Камалов мегаполис үшін маңызды бастама – Алматы ЖЭО-ны газға көшіру жөніндегі жоба шеңберінде энергоөткізуді қаржыландыруға ҚДБ-ның қосқан үлесін атап өтті.

Панельдік сессияның жұмысын қорытындылай келе, Президенттің кеңесшісі, ҚР Президентінің халықаралық экологиялық ынтымақтастық жөніндегі арнайы өкілі Зульфия Сүлейменова декарбонизацияға бағыт алған Қазақстанның өнеркәсіптік кәсіпорындарының қызметіндегі ҚДБ маңызды рөл атқаратынын атап өтті.

• 06.09.2024
• 141