Ақтоғай ауданында жұмыс сапарымен болдым

Бүгінде Ақтоғай ауылының солтүстік-батысында инфрақұрылымы дамыған жаңа шағын аудан, мектеп, балабақша құрылысы жалғасуда. Мұнда барлық негізгі коммуникациялар жүргізілді. Келесі жылы біз бұл жұмыстарды толығымен аяқтауды жоспарлап отырмыз. 

Орталық кәріз құрылысы жұмыстарының  75% орындалды. Олар аяқталғаннан кейін барлық ауылдық үйлер бірыңғай жүйеге біріктіріледі. Шашубай және Сарышаған кенттерінде жылыту маусымы алдында қазандықтар жөнделіп, көмір сатып алынуда. 

Сапар барысында тұрғындармен кездесіп, олардың мәселелері туралы әңгімелесіп, ұсыныстарын тыңдадым. Мысалы, Абай ауылындағы мектепке күрделі жөндеу қажет. Қазір мұнда қазандық жаңартылды.Ал мектепті жөндеу жұмыстары келесі жылы басталады. Сондай-ақ, екі ауылдың тұрғындарына қызмет көрсететін Нарманбет ауылындағы амбулаторияның жай-күйі туралы мәселе көтерілді. Қыста ғимараттың іші суық, нысан жөндеуді қажет етеді. Ауданда медициналық объектілерді, оның ішінде бірінші кезекте аудандық ауруханаларды, содан кейін амбулаторияларды жаңғырту жоспарлануда.

Жолдарды жөндеуге ерекше назар аударылуда. Ақтоғай-Ақсу-Аюлы тас жолын жөндеуді аяқтап жатырмыз. Мен ол жерде бірнеше рет болып,  жолдың қандай күйде екенін көрдім. Екі жыл ішінде мұнда орташа жөндеу жұмыстары жүргізілді, қалған 20 км жолды жөндеу осы жылдың күзінде іске асырылады. 

Сондай-ақ Ақтоғай-Шылым-Ақжарық жолын жөндеп жатырмыз. Тұрғындар ауыр жүк көліктерінің салдарынан жолдардың бұзылып жатқанына шағымданды. Осы мәселе бойынша бақылау күшейтіліп, жауапты тұлғаларға тиісті тапсырмалар берілді.

Ауыл тұрғындарын тұрғын үймен қамтамасыз ету жұмыстары жүргізіліп жатыр. Бұл орайда мен бизнестің назарын аудандардағы құрылыс саласына аударғым келеді. Біз өз тарапымыздан кейін салынған үйлерді сатып алуға дайынбыз.

• 06.09.2024
• 57