ҚР Мәдениет және ақпарат министрлігінің этносаралық қатынастарды дамыту комитетінің төрағасы Ғалым Шойкин қаланың мемлекеттік және құқық қорғау органдарының басшыларымен қоғамда жалпыұлттық құндылықтарды ілгерілету ісіндегі өзара іс-қимылды күшейту, қоғамдық келісімді нығайту, әртүрлі этносаралық шиеленістер мен қақтығыстардың алдын алу мәселелері жөніндегі кеңеске қатысты

Ағымдағы жылдың 29 тамызында Шымкент әкімі аппаратында ҚР Мәдениет және ақпарат министрлігінің этносаралық қатынастарды дамыту комитетінің төрағасы Ғалым Шойкин қаланың мемлекеттік және құқық қорғау органдарының басшыларымен қоғамда жалпыұлттық құндылықтарды ілгерілету ісіндегі өзара іс-қимылды күшейту, қоғамдық келісімді нығайту, әртүрлі этносаралық шиеленістер мен қақтығыстардың алдын алу мәселелері жөніндегі кеңеске қатысты.

Ғалым Нұрмағаметұлы өз сөзінде этностарды интеграциялау, азаматтық құндылықтарды қалыптастыру, жастар арасындағы тәрбие және профилактикалық жұмыстарға тоқталды.

Сондай-ақ, спикер халықтың әлеуметтік жағдайын жақсарту, этникалық принцип бойынша қандай да бір кемсітушілікке жол бермеу қоғамның бірлігін нығайтатынын атап өтті.

Барлық аталған бағыттар бойынша құқық қорғау және мемлекеттік органдардың бірлескен жұмысы ғана оң нәтиже береді.

Кеңес барысында Президент Әкімшілігі ҚХА Хатшылығы меңгерушісінің орынбасары Г.Махан, Шымкент қаласы әкімінің орынбасары С.Құранбек, қалалық мәслихат депутаты М. Қалмұратов, Шымкент полиция департаменті бастығының орынбасары, полиция полковнигі А. Бейсенбаев, Шымкент прокуратурасының өкілі Н. Базарбаев сөз сөйледі.

• 10.09.2024
• 48