Шымкент қаласының Достық үйінде мәдениет және ақпарат министрлігі этносаралық қатынастарды дамыту комитетінің төрағасы Г.Шойкиннің қатысуымен Шымкент қаласының этномәдени бірлестіктерінің басшыларымен «Қағидамыз – әділдік, тірегіміз – жауапкершілік, мақсатымыз – өрлеу» тақырыбында кездесу ұйымдастырылды

Бүгін ағымдағы жылдың 29 тамызында Шымкент қаласының Достық үйінде мәдениет және ақпарат министрлігі этносаралық қатынастарды дамыту комитетінің төрағасы Г.Шойкиннің қатысуымен Шымкент қаласының этномәдени бірлестіктерінің басшыларымен «Қағидамыз – әділдік, тірегіміз – жауапкершілік, мақсатымыз – өрлеу» тақырыбында кездесу ұйымдастырылды.

Өз сөзінде Ғалым Шойкин еліміздің дамуы мен азаматтардың қауіпсіздігінің негізгі факторы бола отырып, елдегі бейбітшілік пен келісім әрқашан басты басымдық болып қала беретінін атап өтті. Сонымен қатар, ол азаматтардың құқықтық теңдігі, этносына қарамастан, елдегі этносаралық тұрақтылықтың негізі болып табылатынын, Қазақстан халқының бірлігін нығайтуға және қоғамдағы азаматтық бірегейлікті дамытуға ықпал ететінін атап өтті.

Сонымен қатар, кеңеске қатысушылар Мемлекет басшысының Қазақстан халқы Ассамблеясының XXXIII отырысында және Ұлттық Құрылтайдың III отырысында берілген тапсырмаларының орындалу барысын, сондай-ақ этносаралық қатынастар саласындағы өзекті мәселелерді талқылады.

Іс-шара барысында «Ахыска» түрік этномәдени бірлестігінің төрағалары Л.Асанов, қалалық Корей этномәдени бірлестігінің төрағасы Ю.Пан, қалалық ҚХА төрағасының орынбасары Т.Казьмин сөз сөйлеп, алдағы жұмыс жоспарларымен бөлісті.

• 10.09.2024
• 52