ҚР Мәдениет және ақпарат министрлігі Этносаралық қатынастарды дамыту комитетінің төрағасы Ғалым Шойкин Түркістан облысы, Сарыағаш ауданында ҚХА мүшелерімен өткен этносаралық қатынастарды дамыту мәселесі бойынша кездесуге қатысты

ҚР Мәдениет және ақпарат министрлігі Этносаралық қатынастарды дамыту комитетінің төрағасы Ғалым Шойкин Түркістан облысы, Сарыағаш ауданында ҚХА мүшелерімен өткен этносаралық қатынастарды дамыту мәселесі бойынша кездесуге қатысты. Кездесуге ҚР Президенті Әкімшілігінің ҚХА хатшылығы меңгерушісінің орынбасары Ғ.Махан, Түркістан облысы қоғамдық даму басқармасының басшысы Е.Күзембаев, Сарыағаш және Келес аудандары әкімінің орынбасарлары, ауыл округтерінің әкімдері, құқық қорғау органдарының басшылары қатысты.

Шара барысында Ғ.Шойкин Ассамблея елдегі барлық этнос өкілдерін ортақ мақсатқа ұйыстыра отырып, жалпыұлттық тұрақтылықты сақтау мен ел дамуына айтулы үлес қосып келетінін, Түркістан облысы этнос өкілдері көп шоғырланған аймақ және әрбір азамат бірлікті нығайту үшін қызмет етуі керектігін басты назарға қойды.

Сондай-ақ Ғалым Нұрмағамбетұлы мен Ғалымжан Жайықбайұлы Сарыағаш және Келес ауданындағы этномәдени бірлестіктері мен ҚХА құрылымдары жетекшілерімен кездесу өткізді.

Іс-шарада барысында аудан тұрғындары ұсыныс-пікірлерін ортаға салды, сондай-ақ қатысушылар этносаралық татулықты сақтау бағытында пікір алмасты.

• 10.09.2024
• 78