ҚР Мәдениет және ақпарат министрлігі этносаралық қатынастарды дамыту комитетінің төрағасы Ғалым Шойкин Түркістан облысы Сарыағаш ауданы Жібек Жолы ауылының тұрғындарымен кездесті

ҚР Мәдениет және ақпарат министрлігі этносаралық қатынастарды дамыту комитетінің төрағасы Ғалым Шойкин Түркістан облысы Сарыағаш ауданы Жібек Жолы ауылының тұрғындарымен кездесті.

Кеңеске ҚР Президенті Әкімшілігінің ҚХА Хатшылығы меңгерушісінің орынбасары Г.Махан, Түркістан облысы қоғамдық даму басқармасының басшысы Е. Күзембаев, Сарыағаш ауданы әкімінің орынбасары А. Қозыбаев, сондай-ақ ауыл ақсақалдары, белсенді жастар және Жібек Жолы ауылының түрлі этностарының өкілдері қатысты.

Кездесу барысында Ғалым Нұрмағамбетұлы әрбір азамат елдегі ұлттық бірлік пен бейбітшілікті қалыптастыруға өз үлесін қосуы тиіс екенін атап өтті. Сондай-ақ, ол осы бағыттағы жұмыс барлық тұрғындардың ортақ күш-жігерінің нәтижесінде дамитынын қоса айтты. Әрі спикер өз сөзінде этносаралық коммуникациялар мен этностардың өзара іс-қимылы елдегі қоғамдық келісімнің қалыптасуына ықпал ететінін жеткізіп, этномәдени бірлестіктер этносаралық шиеленістің алдын алу бойынша өз жұмыстарын жандандырып, тиісті іс-шараларды ойластыруы тиіс екендерін қосып айтты.

Аудан тұрғындары ұсыныс-пікірлерін ортаға салып, делегация мүшелеріне көкейтесті сұрақтарын қойды.

Сонымен қатар, сапар барысында делегация мүшелері Жібек жолы ауылдық округі әкімі аппаратының қызметкерлері, ауылдағы мектеп мұғалімдерімен кездесті.

• 10.09.2024
• 48