2020 ЖЫЛЫ АҚТАУ ҚАЛАСЫ МЕН МҰНАЙЛЫ АУДАНЫН СУМЕН ЖАБДЫҚТАУ БОЙЫНША 3 ІРІ ЖОБА ІСКЕ АСЫРЫЛДЫ

​«Өңірлерді дамытудың 2020 – 2025 жылдарға арналған» мемлекеттік бағдарламасы тіршілікке қажетті инфрақұрылыммен қамтамасыз етуді көздейді.
​Өңір бойынша халықтың орталықтандырылған сумен қамтамасыз етілуі қалаларда 100%, қалаларда орталықтандырылған су бұрумен 93,1%-ды құрайды. Облыс бойынша электрмен жабдықтау 100%, газбен жабдықтау 99,8%-ға жетті.
​2020 жылы Мұнайлы ауданының Қызылтөбе, Бірлік, Бесшоқы ауылдарында және Ақтау қаласында сумен жабдықтау бойынша 3 ірі жоба іске асырылды. Нәтижесінде 58 ауылдық елді мекеннің 46-сы орталықтандырылған су жүйесімен қамтамасыз етіліп, көрсеткіш 92%-ды құрады.
​Облыс орталығын жағалау аймағына қарай және солтүстік-батыс бағытта кеңейту жаңа аумақтарды үздіксіз әрі тұрақты электрмен және газбен қамтамасыз етуді талап етеді.
​Бұл бағытта 110-6 кВ «Хазар» МПК құрылысы аяқталды. 110 кВ кернеулі электр беру желісінің және 110/10 кВ ҚС 2 қосалқы станциясының құрылысы жалғасуда. «Жаңаөзен-Ақтау» магистральдық газ құбырының 4-тармағын салуға жобалық-сметалық құжаттама әзірленді.

• 12.02.2021
• 197