Облыстың энергокомпаниялары басшыларының атқарып жатқан жұмыстары бойынша есептерін тыңдадым

Біздің аймақта ЖЭО мен электр желілерін қыс маусымына әзірлеу қарқынды жүргізілуде. Аймақ бойынша шамамен 24 мың км электр желілері өтеді, орташа тозу көрсеткіші 68,6%.

Апаттылықты азайту үшін энергия беруші ұйымдар электр беру желілері мен қосалқы станцияларды жаңғыртып, жаңаларын салуда. Биыл 6 мың км құрайтын желіні, 78 қосалқы станция мен орталық тарату пункттерін, 762 трансформатор бекетін жаңарту жоспарлануда. Қазірдің өзінде 5,5 мың км желіде, 70 қосалқы станцияда және 553 ТП-да қажетті жұмыстар атқарылды.

Сонымен қатар, қыс басталғанша 2,3 мың км электр желілері мен 668 қосалқы станция жөнделеді. Бүгінде бұл жұмыстар  92%-ға орындалды.

Энергокомпанияларға желілер мен қосалқы станцияларды жаңғыртуды жалғастыруды, сондай-ақ ықтимал мәселелерге жедел ден қоюды тапсырдым. Біз үшін жылыту маусымында тұрғындардың жылу және электрмен тұрақты қамтамасыз етілуі аса маңызды.

• 10.09.2024
• 142