Қазақстан Республикасының Ұлттық экономика вице-министрі Бауыржан Омарбеков Қызылорда облысында өткен республикалық «Бизнестің әлеуметтік жауапкершілігі – ауылды дамытудың негізі» атты семинарға қатысты

Б. Омарбеков өз сөзінде ауылдық аумақтарды дамыту саясатына Үкімет тарапынан ерекше көңіл бөлініп жатқанын атап өтті.

Солардың бірі, Мемлекет басшысының Жарлығына сәйкес қабылданып, іске асырылып жатқан Ауылдық аумақтарды дамытудың 2023-2027 жылдарға арналған тұжырымдамасы.

«Ауыл- Ел Бесігі» бағдарламасы аясында 194 млрд теңге сомасына 771 ауылда 1,8 мың жоба іске асырылды.

Аталмыш бағдарлама іске асырылған жылдан бастап республикалық бюджеттен қаржыландыру көлемі 6 есеге ұлғайғанын атап өткен жөн.

Б. Омарбеков бағдарлама бойынша биылғы жылы республикалық бюджеттен 179 млрд теңге бөлініп, 500-ден астам ауылда 1,4 мың жобаны іске асыру жоспарланғанын айтты.

Бұдан бөлек, 2023 жылы 113 млрд теңгеге 4,9 мың сумен жабдықтау және су бұру объектілері салынып, 85 алғашқы медициналық-санитарлық көмек объектілері құрылғанын атап өтті.

«Ауыл аманаты» жобасы аясында 79 млрд теңгеге 12,7 мың жеңілдетілген шағын несие берілген.

Сонымен қатар ауылдық жерге жас мамандарды тарту мақсатында «Дипломмен ауылға» жобасы бойынша бюджеттік кредит мөлшері 1 500-ден (5,4 млн. теңге) 2 500 айлық есептік көрсеткішке (9,2 млн. теңге) дейін ұлғайтылды.

«Ағымдағы жылы жоба бойынша 25 млрд теңге қарастырылған, бұл 3,1 мыңға жуық маманды тұрғын үймен қамтамасыз етуге мүмкіндік береді», - деп атап өтті вице-министр.

• 16.09.2024
• 54