Энергетика вице-министрі Жамбыл облысының тұрғындарымен кездесті

Жамбыл облысының тұрғындарымен кездесу барысында Энергетика вице-министрі Құдайберген Арымбек өңірдегі отын-энергетика кешеніне байланысты ағымдағы жағдайды баяндады.

Министрлік газ инфрақұрылымын, электрмен жабдықтауды, жылумен жабдықтауды іске асыру және халықты мұнай өнімдерімен және сұйытылған мұнай газымен қамтамасыз ету бөлігінде халық өмірінің негізгі салаларында мемлекеттік саясатты жүргізеді.
Ағымдағы жылдың 9 айында өңірде электр энергиясын өндіру көлемі сағатына 4,1 млрд кВт құрады. Бұл ретте өңірдің тұтынуы сағатына 4,8 млрд кВт құрайды.
Облыста электр энергиясының негізгі көзі – «Жамбыл ГРЭС-і» акционерлік қоғамы болса, ондағы жабдықтың физикалық тозуы 81,4%-ды құрайды, - деп атап өтті вице-министр.

Жамбыл облысы жаңартылатын энергия көздерінің қуаты бойынша республикада көшбасшы орында тұр.
Өңірде жалпы қуаты 560 МВт-тан тұратын 21 жаңартылатын энергия көздерінің объектісі, оның ішінде қуаты 270 МВт-тан асатын 6 күн электр станциясы, қуаты 275 МВт 10 жел электр станциясы және қуаты 14 Мвт 5 гидроэлектростанция жұмыс істейді.

Өңірдегі газдандыру еліміз бойынша ең жоғарғы деңгейді -91% құрайды. 1, 113 млн. адам көгілдір отынмен қамтылған. 2024-2025 жылдары қосымша 65 мың тұрғынға газ тартып беру жоспарлануда.

Жамбыл облысы мұнай өнімдерімен қамтамасыз етілген, дизель отынының қоры 7-16 күндік қажеттілікті өтейді. Бағалар бақылауда.

Күзгі дала жұмыстарын жүргізу үшін облыстағы ауыл шаруашылығы кәсіпорындарына 11,4 мың тонна дизель отыны бөлінді.
Облыста сұйытылған мұнай газын тұтыну ағымдағы жылдың қаңтар-тамыз айларында 102 мың тоннаны құрады, өткен жылдың осы кезеңінде шамамен 88 мың тонна тұтынылды.

«Барлық көтерілген мәселелер Үкіметтің тұрақты бақылауында», - деді вице-министр энергиямен қамтамасыз ету, газдандыру және сұйытылған газ тапшылығына қатысты сұрақтарға жауап бере отырып.
Кездесуден кейін азаматтарды жеке мәселелері бойынша қабылдау жүргізілді.

Вице-министр жұмыс сапарының барысында Тараз қаласындағы бірқатар нысандарды аралады. Олардың қатарында "QazaqGaz барлау және өндіру" ЖШС, ЖЭО-4, «ТаразЭнергоОрталығы» АҚ және "Т.И. Батуров атындағы Жамбыл ГРЭС-і" АҚ бар.

Жамбыл облысына келген жұмыс сапарымның барысында осында орналасқан газ кен орындарына бардым. Ол жердегі газ кен орындарының ағымдағы жағдайымен таныстым. Өздеріңіз білетіндей, 2003 жылы Жамбыл облысындағы алғашқы газ кен орны іске қосылды. Былтыр, 2023 жылы Анабай кен орны іске қосылып, екі ұңғыма қазу жұмыстары жоспарланып жатыр. Сондай-ақ, Барханный кен орны бойынша 2025 жылғы үшінші тоқсанға жоспарланған іске қосу жұмыстарының дайындықтарымен таныстым.
Ағымдағы жылдың қыркүйегінде Малдыбай учаскесінде жер қойнауын пайдалану құқығын беру бойынша тікелей келіссөздер жүргізілді, көмірсутектерді барлау мен өндіруге келісімшартқа қол қою жұмыстары жүргізілуде», - деп қорытындылады вице-министр.

• 25.09.2024
• 89