Қазақстандағы МЖӘ-нің ағымдағы жағдайы бойынша анықтама

1. МЖӘ жобалары, концессиялық жобалар бойынша жиынтық ақпарат (бұдан әрі – жобалар)

2024 жылғы 1 қыркұйектегі жағдай бойынша
жалпы құны 2 187,6 млрд теңгені құрайтын 1 072 концессиялық (шарты тоқтатылғандарды  есепке алмағанда, шарты тоқтатылғандар саны-837,7 млрд теңге сомасына 127 жоба), МЖӘ шарттары (бұдан әрі – Шарттар) (оның ішінде 2 029,1 млрд теңге сомасына 703 іске асырылып жатқан жоба, 158,5 млрд теңге сомасына 369 мерзімі аяқталған жобалар (шарттардың мерзімі өткен) жасалған:

• 14 – құны 1 243,7 млрд теңгеден асатын республикалық жобалар;
• 1 058 – құны 943,9 млрд теңгеден асатын жергілікті жобалар.

127 келісімшарт тоқтатылған (бұзылған), оның ішінде 2 республикалық жоба.

Анықтама ретінде:

2005 ж. – 2 жоба (74,1 млрд теңге), 2007 ж. – 1 жоба (4,1 млрд теңге), 2015 ж. – 2 жоба (1,5 млрд теңге), 2016 ж. – 12 жоба (11,6 млрд теңге), 2017 ж. – 147 жоба (199,1 млрд теңге),2018 ж. – 269 жоба (837,6 млрд теңге), 2019 ж. – 248 жоба (133,9 млрд теңге),2020 ж. – 127 жоба (178,5 млрд теңге), 2021 ж. – 169 жоба (220,6 млрд теңге), 2022 ж. – 37 жоба (351 млрд теңге), 2023 ж. – 45 жоба (138 млрд теңге), 2024 ж. – 13 жоба (37,6 млрд тенге).

Жоспарлау мен дайындықтың әртүрлі кезеңдерінде құны 3 891,9 млрд теңгеден асатын барлығы 134 жоба бар,  оның ішінде:

1) құны ~81,6 млрд теңгені құрайтын республикалық деңгейдегі 15 жоба, оның ішінде:

• жалпы құны 1 млрд теңгені құрайтын 3 жоба бойынша конкурс жарияланды;
• құны 80,5 млрд теңгені құрайтын конкурс өтпеген 1 жоба;
• жоспарлау сатысында 11 жоба.

2) жалпы құны ~3 810,3 млрд теңгені құрайтын өңірлік деңгейдегі 119 жоба, оның ішінде:

• жалпы құны ~ 3 544,3 млрд теңгені құрайтын 68 жоба бойынша конкурс жарияланды;
• құны ~ 9,6 млрд теңгені құрайтын конкурс өтпеген 3 жоба;
• құны ~256,4 млрд теңгені құрайтын 59 жоба жоспарлау кезеңінде.

II. Іске асырылып жатқан жобалар туралы ақпарат

Пайдалану кезеңінде құны шамамен 1 419 млрд теңгені құрайтын  620 жоба бар, оның ішінде:

•  құны  шамамен 719,3 млрд теңгені құрайтын республикалық маңызы бар 10 жоба;
• құны 699,7 млрд теңгені құрайтын жергілікті маңызы бар 610 жоба.

Инвестициялық кезеңде құны 610 млрд теңгені құрайтын 83 жоба бар, оның ішінде:

• құны 505,5 млрд теңгені құрайтын республикалық маңызы бар 3 жоба;
• құны 104,5 млрд теңгені құрайтын жергілікті маңызы бар 80 жоба.

1. Жасалған Шарттар бойынша салалық ақпарат

Жасалған Шарттардың 87,9%-нан астамы сандық тұрғыдан 3 салаға тиесілі: білім беру, денсаулық сақтау және әлеуметтік қызмет көрсету, энергетика және ТҮКШ.

Дегенмен, құндық мәнде шамамен 38,9%-ы көлік және инфрақұрылымға тиесілі.

Жобалардың деректер базасы «Қазақстандық мемлекеттік-жекешелік әріптестік орталығы» АҚ сайтында орналасқан (https://kzppp.kz), база ай сайын жаңартылып отырады.

• 27.09.2024
• 48