Астанада «Электр энергиясы мен қуаты нарығының қазақстандық операторы» АҚ-ның өтініші бойынша жария тыңдаулар өтті

Бүгін, 2024 жылғы 16 қыркүйекте ҚР ҰЭМ Табиғи монополияларды реттеу комитеті «Электр энергиясы мен қуаты нарығының қазақстандық операторы» АҚ-ның сауда жүйесінің орталықтандырылған сауда-саттықты өткізуге дайындығын қамтамасыз ету мен электр энергиясының орталықтандырылған сауда-саттығын ұйымдастыру және өткізу бағаларын бекіту бойынша хабарламасын қарау шеңберінде жария тыңдаулар өткізді.

Жария тыңдаулар Электр энергетикасы саласындағы реттеу басқармасы басшысының м.а. Ақтөре Дидарұлының төрағалығымен өткізілді, ол қатысушыларды іс-шараны өткізу тәртібімен таныстырды.

Ол барлық мүдделі тараптардың белсенді қатысуының маңыздылығын атап өтіп, оларды баға жобалары бойынша ұсыныстар мен ескертулер беруге шақырды. «Көпшілік тыңдауларды өткізудің мақсаты - ашықтықты, жариялылықты, ақпараттандыруды қамтамасыз ету және тұтынушылар мүдделерінің теңгерімін сақтау», – деп атап өтті Ақтөре Дидарұлы.

Іс-шараға «Электр энергиясы мен қуаты нарығының қазақстандық операторы» АҚ-ның басшылығы, бұқаралық ақпарат құралдарының өкілдері, сондай-ақ тұтынушылар қатысты.

Қызметтердің жоспарланған шекті бағасы туралы «Электр энергиясы мен қуаты нарығының қазақстандық операторы» АҚ-ның Басқарушы директоры Руслан Аймұрзайұлы баяндама жасады.

Қоғамдық тыңдаулар офлайн режимінде өткізілді және сонымен бірге ТМРК-ның Facebook-тегі ресми парақшасында көрсетілді, бұл мүдделі тараптарға нақты уақыт режимінде сұрақтар қоюға мүмкіндік берді.

Іс-шара соңында ТМРК-ның Электр энергетикасы саласындағы реттеу басқармасы басшысының м.а. ұсынылған жоба алдын ала болып табылатынын және түпкілікті шешім «Электр энергиясы мен қуаты нарығының қазақстандық операторы» АҚ-ның өтінімін мұқият қарау қорытындысы бойынша Қазақстан Республикасының заңнамасында белгіленген мерзімдер мен тәртіппен қабылданатынын еске салды

• 02.10.2024
• 56