Бірқатар ақмолалықтар «Еңбек ардагері» медалімен марапатталды

Жыл сайын қыркүйектің әр соңғы жексенбісінде Қазақстанда Еңбек күні атап өтіледі.  Бұл мерекеде өзінің адал еңбегімен ел экономикасының қалыптасуы мен дамуының негізін қалаған еңбеккерлерге құрмет көрсетіледі.

Ақмола облысында Еңбек күні аясында қоғамдағы «Еңбек адамының» беделін арттыруға және өнімділіктің өсуін ынталандыруға бағытталған іс-шаралар өткізілді.

Көкшетауда Ақмола облысының әкімі Марат Ахметжанов еңбекте үздік нәтиже көрсеткен, бір салада 40 жылдан астам және кемінде 10 жыл жалпы кәсіби өтілі бар бірқатар белсенді азаматтарды «Еңбек ардагері» медалімен марапаттады.

Айта кетейік, Мемлекет басшысы «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауында 2025 жылды Жұмысшы мамандықтары жылы деп жариялады.

• 02.10.2024
• 39