«Родина» агрофирмасы Ақмола облысында бірінші болып егін жинауды аяқтады

Бүгін Ақмола облысы Целиноград ауданының «Родина» АФ ЖШС-де 2024 жылғы егін жинау науқаны сәтті аяқталды. Қазақстанның Еңбек Ері Иван Сауэр басқарған 25 жылдық тарихы бар кәсіпорын елдегі озық шаруашылық болып саналады. Науқан барысында 46 мың гектардан астам егіс алқабы жиналды. Ораққа 63 бірлік ауыл шаруашылығы техникасы қатысты, оның ішіндезаманауи 35 бірлік комбайн мен 9 бірлік трактор бар. Облыстың көптеген аймақтарындағыдай, агрофирма алқаптарындағы орташа өнімділік 19 ц/га құрады, бірақ минералды тыңайтқыштар қолданылып, барлық агротехникалық шаралар сақталған жекелеген алқаптарда өнімділік 27 ц/га жетті.

Шаруашылықта барлығы 43 мың тоннадан астам астық бастырылды, бұл өткен жылдың көрсеткіштерінен екі есе артық.

Субсидиялау түріндегі мемлекеттік қолдау өнімділіктің жоғары деңгейіне қол жеткізуде ерекше рөл атқарғанын атап өткен жөн. Осының арқасында шаруашылық жанар-жағармай материалдарын, өсімдіктерді қорғау құралдарын және минералды тыңайтқыштарды сатып алу шығындарын едәуір төмендете алды.

• 02.10.2024
• 91