Көкшетауда ақын Құдайберлі Мырзабектің шығармашылық кеші өтті

Облыс орталығында ақын, Қазақстан Жазушылар одағының мүшесі, Халықаралық айтыс ақындары мен жыршы-термешілер одағының төрағасы Құдайберлі Мырзабектің 60 жылдық мерейтойына арналған шығармашылық кеш өтті.

Іс-шараға Ақмола облысының әкімі Марат Ахметжанов қатысты.

Өңір басшысы мерейтой иесін құттықтап, тек өңірлік деңгейде ғана емес, бүкіл ел көлемінде айтыс өнерінің дамуына қосқан зор үлесін атап өтті, белсенді қоғамдық қызметі үшін алғыс білдірді.

Іс-шараға қоғам қайраткерлері, ақынның шәкірттері, сондай-ақ оның шығармашылығын сүйіп тыңдайтын жанкүйерлер қатысты.

Кештің қонақтары қатарында Мәжіліс депутаттары Жанарбек Әшімжанов, Аманжол Әлтаев, сондай-ақ Жүрсін Ерман, Қорғанбек Аманжол, Айтақын Бұлғақов, Серік Құсанбаев, Мұхтар Ниязов сынды ақын-жазушылар болды.

Шығармашылық кеште мерейтой иесінің «Ащылы Жекебояқ», «Қос көл», «Әкені аңсау», «Қызыл алма», «Айтыс» және басқа да туындылары орындалды.

• 11.10.2024
• 70