Азаматтарды жеке қабылдау

Осы аптада азаматтарды жеке қабылдау өткіздім. Біз ашық саясатты ұстанамыз, сондықтан министрлікте тұрақты түрде халықпен, бизнеспен дөңгелек үстелдер, семинарлар мен конференциялар аясында кездесулер өткіземіз.
Нақты мәселелерді шешу үшін қарапайым азаматтар да, бизнес өкілдері де менің жеке қабылдауыма жазылады. Кейде адамдар кейбір нормалар мен процедураларды жеңілдету туралы ұсыныстармен келеді, біз барлық мәселелерді мұқият зерттейміз. Кері байланыс қоғаммен ашық диалог құруға көмектеседі, бұл өзара түсіністіктің дамуына ықпал етеді және сенімділікті арттырады. Сонымен қатар, халықпен кездесу бізге жұмыста адамдардың қажеттіліктері мен үміттерін ескеруге мүмкіндік береді.
Әр жағдайды біз егжей-тегжейлі қарастырамыз, сондықтан менің орынбасарларым мен құрылымдық бөлімшелердің басшылары әрқашан жеке қабылдауға қатысады. Әрбір мәселе немесе өтініш министрлікте есепке қойылады және одан әрі орындалуын бақылау жүзеге асырылады.
Өзара әрекеттесудің бұл түрі маңызды және тиімді. Қаржы министрлігінің сайтында кездесулердің  кестесі және оларға қалай қатысу керектігі туралы барлық ақпарат бар.

• 11.10.2024
• 35