Су ресурстары және ирригация министрлігі франциялық сарапшылармен бірге Балқаш көлін зерттеу үшін деректермен бөлісті

Су ресурстары және ирригация министрі Нұржан Нұржігітов Францияның Қазақстандағы даму агенттігінің (AFD) өкілдерімен кездесті.

Тараптар Іле-Балқаш бассейнін бірлесіп зерттеу және басқа да жобалар аясында одан әрі ынтымақтастықты нығайту және іске асыру мәселелерін талқылады. Бүгінгі таңда министрлік AFD және BRGM (Францияның геологиялық қызметі) сарапшыларына зерттеу үшін қажет деректермен бөлісті. Сондай-ақ, тараптар алдағы «Ортақ су» саммитін талқылады.

Сонымен қатар, министр француз тарапына жерасты суларын зерттеу және мамандардың біліктілігін арттыру саласындағы ынтымақтастықты қарастыруды ұсынды.

«Астанада AFD кеңсесінің ашылуымен біздің өзара іс-қимылымыз тиімдірек болады. Айта кету керек, біз басқа да шетелдік әріптестермен бірге Арал және Каспий теңіздерін, басқа да су айдындарын зерттеу мүмкіндіктерін қарастырып жатырмыз», - деді Су ресурстары және ирригация министрі Нұржан Нұржігітов.

• 14.10.2024
• 72