Онлайн диалог: ТМРК тұтынушыларға қоғамдық қабылдау өткізді

Бүгін, 2024 жылғы 1 қазанда ҚР ҰЭМ Табиғи монополияларды реттеу комитетімен коммуналдық қызметтерді тұтынушылар үшін қоғамдық қабылдау өткізілді.

Осындай қабылдауларды ведомствоның аумақтық департаменттері өткізді.

Қоғамдық қабылдаулар дәстүрлі түрде Facebook арқылы онлайн режимінде трансляцияланды, онда әрқайсысы қосылып, қойылған сұраққа жедел жауап ала алды.

Қоғамдық қабылдау ведомствоның төрағасының орынбасары Нұрлан Болатбаевтың төрағалығымен және салалық басқармалар өкілдерінің қатысуымен өтті.

Қоғамдық қабылдау барысында ТМРК қызметкерлері электр энергиясы нарығындағы ахуал және тауарлық газға бөлшек сауда бағалары туралы, сондай-ақ уәкілетті органның қарауында сумен жабдықтау, жылумен жабдықтау және бәсекелестік кірме жол болмаған кезде кірме жолдар салаларындағы өтінімдер туралы хабарлады.

Сонымен қатар, жылу энергиясын есептеу аспаптары жоқ тұтынушылар үшін жылумен жабдықтау қызметтерінің құнын қайта есептеу нәтижелері бойынша қаражатты қайтару мәселелері түсіндірілді. Қайта есептеуді табиғи монополиялар субъектілері ҚҚС есебімен жалпы сомасы 768 157,39 мың теңгеге жүргізді.

Әрбір тұтынушы коммуналдық салаға қатысты сұрақтарға тікелей эфирде жауап ала алды.

• 18.10.2024
• 58