Астанада халықаралық мәмілелерді қаржыландыру мәселелері бойынша семинар өтті

«Қазақстанның Даму Банкі» АҚ («Бәйтерек» холдингінің еншілес құрылымы) ODDO BHF SE банкімен және Австрияның OeKB Экспорттық-кредиттік агенттігімен бірлесіп Еуропаның экспорттық-кредиттік агенттіктерінің қолдауымен тауарлар импортын қаржыландыру мәселелері бойынша семинар өткізді.

Семинар жұмысына Қазақстан, Германия, Австрия, Әзербайжан, Өзбекстан, Қырғызстан, Армения, Грузия және Тәжікстанның қаржы, корпоративтік және өндірістік секторларының өкілдері қатысты.

Іс-шарада халықаралық қаржыландыру және экспорттық сақтандыру саласындағы өзекті үрдістер мен тетіктер талқыланды, сондай-ақ нәтижелі жүзеге асырылған жобалардың тиімді стратегиялары мен практикалық кейстері қаралды.

Семинардың ашылу салтанатында ҚДБ Басқарма төрағасының орынбасары Ботагөз Әбішева, «Қазақстанның экспорттық-кредиттік агенттігі» АҚ Басқарма төрағасының орынбасары Мадина Ержанова, ODDO BHF SE және OeKB өкілдері Сюзана Франц және Райнер Кристиан Дрео сөз сөйледі.

Өз сөзінде Ботагөз Әбішева халықаралық ұйымдармен ынтымақтастық пен тәжірибе алмасуды нығайтуға бағытталған бұл семинардың маңыздылығын атап өтті.

Бұл күні ODDO BHF SE және OeKB спикерлері өздерінің халықаралық деңгейдегі тәжірибелерімен бөлісіп, қаржыландырудың артықшылықтары мен ерекшеліктерін талқылады. Экспорттық кредиттік агенттіктердің, атап айтқанда OeKB сақтандырумен қамтылған коммерциялық банктерден қаржыландыру құралын пайдалана отырып, мәмілелер құрылымы Қазақстан Республикасының Еуропа елдерінен импорттық құрамдас бөлігін ұлғайтуға мүмкіндік береді.

«Біз Орталық Азия елдері нарықтарында белсенді жұмыс жасаймыз. Осы ретте қазақстандық нарық ерекше маңызға ие. Қазақстанның Даму Банкі – сенімді серіктесіміз. Еуропаның экспорттық-кредиттік агенттіктері, атап айтқанда OeKB арқылы сақтандыру мүмкіндігімен ұзақ мерзімді қаржыландыруды ұсынуға мүдделіміз», – деді өз сөзінде ODDO BHF Халықаралық бизнес бөлімінің басшысы Сюзана Франц.

Сөз кезегінде Мадина Ержанова халықаралық әріптестермен ынтымақтастықта еуропалық мазмұны бар отандық экспорттаушыларға және экспортқа бағдарланған қазақстандық жобаларға тартылған инвесторларға жан-жақты қолдау көрсетуге дайын екендіктері туралы айтты.

• 21.10.2024
• 23